សំឡេងកាំភ្លើងផ្ទុះឡើងជាបន្តបន្ទាប់ និងការបំផ្ទុះខ្លាំងៗ បានឮនៅក្នុងរដ្ឋធានី ប្រទេសនីហ្សេរីយ៉ា

(Reuters) – សំឡេងកាំភ្លើងផ្ទុះឡើងជាបន្តបន្ទាប់ និងការបំផ្ទុះខ្លាំងៗ ត្រូវបានឮនៅព្រឹក ព្រលឹមថ្ងៃព្រហស្បតិ៍ នៅជិតអាកាសយានដ្ឋានអន្តរជាតិនីអាមេ ក្នុងប្រទេសនីហ្សេរីយ៉ា នេះបើយោងតាម សាក្សីម្នាក់របស់សារព័ត៌មានរ៉យទ័រ។

សំឡេងកាំភ្លើងយ៉ាងខ្លាំង ដែលបានចាប់ផ្តើមជិត១ម៉ោងមុននេះ កំពុងបន្តគិតត្រឹមម៉ោង 00:១២ GMT នេះបើយោងតាមសាក្សី។

វីដេអូមួយដែលបានចែករំលែកនៅលើវេទិកាប្រព័ន្ធផ្សព្វផ្សាយសង្គម X ហាក់ដូចជាបង្ហាញអំពី ការបាញ់ កាំភ្លើងនៅពេលយប់ ប៉ុន្តែសារព័ត៌មានរ៉យទ័រមិនទាន់បានផ្ទៀងផ្ទាត់វីដេអូដោយឯករាជ្យឡើយ។

អ្នកនាំពាក្យរបស់រដ្ឋាភិបាលយោធានីហ្សេរីយ៉ា ដែលបានដណ្តើមអំណាចក្នុងរដ្ឋប្រហារខែកក្កដា ឆ្នាំ២០២៣ មិនអាចទាក់ទងសុំការអត្ថាធិប្បាយភ្លាមៗបានទេ។

ប្រទេសនីហ្សេរីយ៉ា ក៏ដូចជាប្រទេសម៉ាលី និង Burkina Faso ដែលនៅជិតខាង បានតស៊ូដើម្បីទប់ស្កាត់ការ វាយប្រហារពីក្រុមជីហាដ ដែលមានទំនាក់ទំនងជាមួយក្រុមអាល់កៃដា និងរដ្ឋអ៊ីស្លាម ដែលបានសម្លាប់ មនុស្សរាប់ពាន់នាក់ និងធ្វើឱ្យមនុស្សរាប់លាននាក់បាត់បង់ទីលំនៅនៅក្នុងប្រទេសទាំង៣៕