ឯកឧត្តម ហ៊ុន ​ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ ដឹកនាំគណៈប្រតិភូមុខងារសាធារណៈកម្ពុជា ទៅបំពេញទស្សនកិច្ចការងារនៅសាធារណរដ្ឋឥណ្ឌូនេស៊ី

បរទេស ៖ ឯកឧត្តម ហ៊ុន ​ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ ដឹកនាំគណៈប្រតិភូមុខងារ​សាធារណៈកម្ពុជា ទៅបំពេញទស្សនកិច្ចការងារនៅសាធារណរដ្ឋឥណ្ឌូនេស៊ី ក្នុងគោលបំណងពង្រឹងកិច្ចសហប្រតិបត្តិការលើវិស័យមុខងារ​សាធារណៈ ព្រមទាំងទំនាក់ទំនង និងកិច្ចសហប្រតិបត្តិការទ្វេភាគីរវាងប្រទេសទាំងពីរ។
ដំណើរទស្សនកិច្ចការងារនៅសាធារណរដ្ឋឥណ្ឌូនេស៊ីនេះផងដែរ ស្របពេលខួបលើកទី៦៧ នៃការបង្កើតទំនាក់ទំនងការទូតកម្ពុជា-ឥណ្ឌូនេស៊ី បានឆ្លុះបញ្ចាំងពីចំណងមិត្តភាពជិតស្និទ្ធ និងការបន្តពង្រឹង និងពង្រីកកិច្ចសហប្រតិបត្តិការយូរអង្វែងរវាងកម្ពុជា និងឥណ្ឌូនេស៊ី។